ЉУБОВНИЦИТЕ – ГОРДАНА ВИНЧИЌ

7,200.00 MKD

In stock

Опис

Наслов: ЉУБОВНИЦИТЕ

Автор: Гордана Винчиќ

Материјал: Комбинирана техника на рачно правена хартија

Година на изработка: 2022 год.

Цена:  7200 денари

Димензии:  73cm х  53cm

Делото е од циклусот ”Чуварки на љубовта”. Љубовта е неопходна за секој жив на земјата. Секојдневието не обзема па ценрифугата на урбаната црна дупка ја обесилува љубовта. Таа за современиот човек станува фата моргана, неостварлива за празните срца. Во старите времиња се верувало дека чистите води, нарочно реките и нивните ентитети имале моќ да одстрануваат негативни енергии. Со делото се обидувам да ги представам тие ентитети, убави девојки кој верувам сеуште постојат во невидливиот свет. Чуварки на љубовта како древни ентитети да не потсетат зошто постоиме. Заедно со рибите како симбол на човечката потсвест но и потенцијал да не заборавиме која е примарната состојба на секој од нас. Чистата водата не само што е основна за нашето постоење туку е и чуварка на љубовта за наше повторно исцелување

ГОРДАНА ВИНЧИЌ

1998 година дипломира социјална работа и политика при универзитет Лунд во Шведска.

Откако ги завршува студиите се занимава со социјална работа и се здобива со повеќегодишно лидерско искуство во општината на Град Малме. Во неколку успешни проекти Гордана внесува уметност како алатка за интегрирање на ранливите групи во општеството. Со тимот остваруваат над 300 ликовни работилници во Малме. Со завршувањето на последниот проект во 2014г. Гордана одлучува да се пренасочи и целосно предаде на незаборавениот детски порив кон творењето. Започнува една нова ера каде што уметноста станува централен дел во нејзиниот живот.

Одлучува во своите дела да ја прикаже возвишеноста на женскиот принцип. Во творењето се потпира на интуицијата и со наклонетост ги претвора дамнешните културни наследства, симболи и митологија во современа изразна форма. Инспирацијата и доаѓа од внатрешниот свет на слики, бои и визии. Делата на Гордана се мистични, исполнети со носталгија и надреална симболика. Тие побудуваат размисла и трагање по одговори. Важен поттик и е мудроста, драгоцен потенциал кои сите го носиме.

Горданa има реализирано повеќе од 20 самостојни и 40 групни изложби, меѓу кои една од позначајните е изложбата во Музејот на современа уметност во Санкт Петерсбург 2015 година. Изложува и твори во Франција, Шведска, Англија, Русија, Србија, Мароко, Кипар, Турција, Албанија, Бугарија и Македонија.

Учествува и организира повеќе меѓународни ликовни колонии, групни изложби, симпозиуми и манифестации во Европа. Добива награда за најдобар “Деби стрип на годината” 2016г. во Македонија.  Досега Винчиќ има изработено над 3000 уметнички дела: цртежи, слики, илустрации, графики, дигитални цртежи, инсталации, мурали и реди мејд склуптури.

 

MKD / EUR
MKD Macedonian denar
EUR Euro